नतासाको सनसनीपूर्ण खुलासा

विवादास्पद टिप्पणी बि्रटिस मिडियामा सार्वजनिक भएको थि

लन्डन/ इंग्लिस टोलीका पूर्व मिडफिल्डर रायन गिग्सकी भाउजु नतासा गिग्सले म्यानचेस्टर युनाइटेडका स्टार पाँच खेलाडीसँग अफेयर तथा रात बिताएको सनसनीपूर्ण खुलासा गरेकी छिन् । अघिल्लो साता नतासाले आफ्नो सम्बन्ध देवर रायन गिग्ससँग पनि भएको दाबी गरेकी थिइन् । सो विवादास्पद टिप्पणी बि्रटिस मिडियामा सार्वजनिक भएको थियो । त्यसको एक साता पनि नबित्दै उनले म्यानचेस्टरका पाँच खेलाडीसँग यौनसम्पर्क पनि राखेको खुलासा गरेपछि बि्रटिस मिडियामा हलचल मच्चेको छ ।

दुई साताअघि मात्र म्यानचेस्टरबाट सन्न्यास लिएका रायनसँग आठ वर्षदेखि अफेयर चलिरहेको नतासाको दाबी छ । रायनका दाजुले आफ्नी श्रीमती नतासाको भनाइका सम्बन्धमा केही टिप्पणी दिएका छैनन् । दुई सन्तानकी आमा रहेकी नतासाले म्यानचेस्टरका तीन खेलाडीसँग हालै मात्र रात बिताएको द सनमा दिएको एक अन्तर्वार्तामा उल्लेख गरेकी हुन् ।

२८ वषर्ीया नतासाका अनुसार राइट योर्क, फिल बर्डसी तथा डामी सिम्पान्सोसँग उनले रात बिताएका हुन् । ती खेलाडी हाल युनाइटेडसँग आबद्ध छैनन् । तर, ती खेलाडीहरू युनाइटेडमा रहँदा नतासाको भेटघाट बाक्लै थियो । द सनलाई नतासाले भनिन्, 'मैले तीन स्टारसँग रमाइलो गरेकी थिएँ, जब उनीहरू बिदामा हुन्थे त्यसवेला उनीहरूले सम्पर्क राख्थे ।' तीन खेलाडीसँगको सम्बन्धभन्दा पनि आफ्ना देवर रायनसँग गहिरो सम्बन्ध भएको बताउन उनी पछि परिनन् ।

मिडियासामु आफ्नो सम्बन्ध निर्धक्क सार्वजनिक गर्दै नतासाले भनिन्, 'सन् १९९८-०२ सम्म मैले रायनलगायत अन्य खेलाडीसँग सम्बन्ध राखेकी थिएँ ।' एक दशकअघि रायन गिग्सका दाजु रोहड्रीसँग उनको विवाह भएको थियो । रोहड्रीसँगको राम्रो वैवाहिक सम्बन्धमा उनले केट पि्रन्स तथा हार्वीलाई सन्तानका रूपमा जन्माएका छिन् । यता नतासाकी नजिकको मित्रले द सनलाई भनिन्, 'रायन र नतासाबीच गोप्य टेक्स मेसेज हुने गर्दछ, अहिलेसम्म पनि चलिरहेको छ, नतासाले मबाहेक अन्यलाई जानकारी दिएको छैन ।' ती मित्रका अनुसार नतासाले एक होटलमा बर्डसीसँग रात बिताएकी थिइन् ।

श्रीमान्कै भाइसँग अनैतिक सम्बन्ध गाँसेपछि नतासा परिवार छाडेर बोल्टनमा बसोबास गर्दै आइरहेकी छिन् । अघिल्लो महिना मात्रै द सनसँग कुराकानी गर्दै नतासाले भनिन्, 'हामीबीच लामो समयदेखि सम्बन्ध छ, उनी -रायन) पनि मप्रति प्रभावित देखिन्छन् ।' नतासाकी एक मित्र आरिया नापाका अनुसार श्रीमान् तथा परिवारलाई चिटिङ -धोका) दिएपछि उनी बोल्टनमा बस्दै आइरहेकी हुन् ।

बि्रटिस मिडियाले नतासाको पि्रमियर लिगका फुटबलरसँग राम्रो सम्बन्ध रहेको जनाएका छन् । नतासासँग फुटबलरहरू लोभिने एजेन्सीले अर्को भनाइ छ । 'विशेषगरी म्यानचेस्टरका खेलाडी नतासासँगै सम्बन्ध राख्ने गर्थे, नतासाको लाइफ स्टाइल र दैनिक जीवनयापनबाट ती खेलाडी निकै प्रभावित भए,' एजेन्सीले उल्लेख गर्‍यो । यसै साता आफ्नो साथीको बिहेभोजमा सहभागी हुन आएकी नतासाले मित्र लेविससँग भनिन्, 'मेरो श्रीमान्को भाइले मलाई धेरै उत्तेजनात्मक सन्देश पठाइरहेका छन्, कतिपय सन्देश बाहिर ल्याउनसक्ने अवस्थामा छैन ।'

म्यानचेस्टर युनाइटेडका सर्वकालीन महान् मिडफिल्डरसँगको गोप्य सम्बन्ध एकपछि अर्को गर्दै सार्वजनिक गर्ने क्रममा नतासाले भनिन्, 'तिमी विश्वास गर्छौ कि गर्दैनौ, रायन गिग्ससित मैले रात बिताएकी छु, म आफैँले विश्वास गर्न सकिरहेकी छैन कि देवरसँग कयौँपटक यौनसम्पर्क राखेकी छु ।' व्यावसायिक फुटबलपछि रायनको धेरै अपरिचित महिलासँग नजिकको सम्बन्ध रहेको नतासा दाबी गर्छिन् । यस कारण नतासा रायनलाई बि्रटिसका टाइगर उड भन्ने रुचाउँछिन् । यता गिग्सले भने नतासासँग सम्बन्ध नभएर अर्की महिला इमोगेन थोमाससित मात्र आफ्नो अनैतिक सम्बन्ध भएको दाबी गरेका छन् । बि्रटिस मिडियामा नतासाले दिएका सबै भनाइ कल्पोलकल्पित भएको रायनले बताए
साभार : नया पत्रिका