नेपाल र फिलिपिन्स आज भिड्दै
Published on: Monday, October 10, 2011 //
खेलकुद
काठमाडौ, आश्विन २४,
नेपालले अन्तर्राष्ट्रिय फुटबलमा प्रवेश गरेको तीन दशक छुन लाग्दा पहिलो औपचारिक खेलमा मंगलबार फिलिपिन्सको सामना गर्दैछ । यसलाई अन्तर्राष्ट्रिय मैत्रीपूर्ण खेलका रूपमा अन्तर्राष्ट्रिय फुटबल महासंघ (फिफा) बाट मान्यताप्राप्त छ । नेपाली राष्ट्रिय टिमका इङलिस प्रशिक्षक ग्राहम रोबर्ट्सले 'अत्यधिक महत्त्व' को संज्ञा दिएका छन् । 'यो नेपाली टिमको दक्षिण-पूर्वी एसियाली भ्रमणको पहिलो खेल हो । हामी सुखद नतिजासँगै भ्रमण सुरु गर्न चाहन्छौं । यो खेलको अत्यधिक महत्त्व हुनेछ,' रोबटर््सले कान्तिपुरलाई बताए । 'केही फिलिपिनी खेलाडीसँग युरोपमा खेलेको अनुभव छ, त्यसैले हामी सतर्क रहनेछौं,' उनले थपे । दुवै टिमका लागि रिजल मेमोरियल फुटबल स्टेडियमा हुने खेल आसन्न एएफसी च्यालेन्ज कपअघि एकापसलाई चिन्ने अवसर पनि हुनेछ ।
अर्को वर्ष काठमाडौंमा हुने च्यालेन्ज कपमा नेपाल र फिलिपिन्स दुवै छनोट भइसकेका छन् । नेपालको यो छैटौं मैत्रीपूर्ण अन्तर्राष्ट्रिय खेल हुनेछ । भुटानविरुद्ध सन् २००९ मा भारतको कोलकातामा भएको खेलयता यो विदेशी भूमिमा नेपालले खेल्न लागेको दोस्रो मैत्रीपूर्ण प्रतिस्पर्धा हुनेछ । नेपालले अहिलेसम्म खेलेका पाँच मैत्रीपूर्ण अभ्यास खेलमध्ये चारमा जित हात पारेको छ । फिलिपिन्स भने सन् १९९७ यता पहिलोपल्ट मैत्रीपूर्ण खेल खेल्दैछ । सन् १९९७ मा भएको त्यस खेलमा फिलिपिन्स इस्टोनियाको हातबाट १-० ले पराजित भएको थियो ।
फिलिपिन्स गत साता मात्र भएको खेलमा सिंगापुरसँग २-१ ले हारेको थियो । नेपालको सामना गर्नअघि सोमबार आयोजित पि्र-म्याच कन्फ्रेन्समा फिलिपिन्सका जर्मन प्रशिक्षक माइकल वेसले आफ्नो टिम अब कमजोर नरहेको दाबी गरे । फिलिपिनी फुटबल टोलीलाई 'अज्कल्स' पनि भनिन्छ, त्यसको अर्थ 'सडक कुकुर' हुने गर्छ । 'हाम्रो टिमले पनि एसियाली फुटबलमा दरिलो उपस्थिति जनाइसकेको छ । हाम्रो टिमले कति गोल खाएर हार्छ भन्ने अनुमान अब पुरानो भइसकेको छ,' प्रशिक्षक वेसले भने ।
उनले थपे, 'पछिल्ला केही खेलमा हाम्रो टिमले बलिया एसियाली प्रतिद्वन्द्वीविरुद्ध पनि प्रभावशाली प्रदर्शन गरेको छ, फिलिपिनी टिममा सुधार आइरहेको प्रस्ट छ । यसलाई अझ तिखार्न माथिल्लो स्तरका टिमसँग खेल्नुपर्छ, त्यसैले नेपाल उपयुक्त प्रतिद्वन्द्वी हो ।'फिफा वरीयतामा नेपाल १ सय ३६ औं स्थानमा छ । फिलिपिन्स भने १ सय ६६ औं स्थानमा छ । जर्मन फुटबल संघले ४४ वषर्ीय वेसलाई फिलिपिन्सको फुटबल सम्हाल्न जनवरीमा मनिला पठाएको हो । उनले रियल म्याडि्रड र आर्सनल जस्ता क्लबमा प्रशिक्षणको 'इन्टर्न' गरेका थिए । यसअघि उनी चिनियाँ अन्डर-ट्वान्टी र रुवान्डा अन्डर-सेभेन्टिनका प्रशिक्षक थिए । सन् सत्तरीतिर फिलिपिन्स दक्षिण-पूर्वी एसियाको फुटबल शक्ति थियो, त्यसयता उसको स्तर ओरालो लागेको थियो । अहिले फेरि फिलिपिनी फुटबल मूलधारमा बलियो भएर र्फकने अभियानमा छ ।
सन् असीको दशकमा नेपाल र फिलिपिन्स किङ्स कपमा थाइल्यान्डमा भिडेका थिए, त्यसमा नेपाल १-० ले विजयी भएको थियो । त्यसमा गणेश थापाले निणर्ायक गोल गरेका थिए । प्रशिक्षक ग्राहमले पि्र-म्याच कन्फ्रेन्समा यसपल्ट पनि जितकै लागि खेल्ने बताएका छन् । 'म प्रत्येकपल्ट जितका लागि खेल्ने गर्छुं, यो मेरो खेल नीतिको प्रकृति हो,' उनले भने । उनले नेपाली टिम कस्तो हुने हो, त्यो खुलाएका छैनन् । प्रत्येक खेलाडीले राष्ट्रिय टिममा स्थान बनाउन मिहिनेत गर्नुपर्ने उनको दाबी छ । फिलिपिनी टिममा युरोपका व्यावसायिक लिगमा खेल्ने खेलाडीको बाहुल्य छ ।
केही खेलाडीसँग उमेर समूहमा डेनमार्क र फिलिपिन्स दुवैमा खेलेको अनुभव छ । डेनिस क्लबहरूमा खेल्ने जे लुसेना, डेनिस कागरा र पउल मुल्डर्स फिलिपिन्सका प्रमुख खेलाडी हुनेछन् । लुसेना डेनमार्क मूलका हुन् र उनी त्यहाँको सुपरलिगा क्लब एएफसी आरहसबाट खेल्नेछन् । अन्य खेलाडीमा स्टेफेन सक्र बुंडेसलिगाको दोस्रो डिभिजन खेल्छन् । नेल एथेरडेज इङलिस पि्रमियर लिग क्लब फुलहमको रिजर्भ टिमका गोलरक्षक हुन् । उनी चेल्सी एकेडेमीका उत्पादन हुन् ।
