पत्रकार बिच अंचलस्तरीय फूटबल हुने
Published on: Friday, September 23, 2011 //
खेलकुद
समुन्द्र पौडेल तनहुँ, आश्विन ७,
बिजया दशमीको अबसर पारेर रिपोर्टस क्लव नेपाल तनहुँ शाखाले आगमी ११ र १२ गते दमौलीमा गण्डकी अंचलस्तरीय फूटबल प्रतियोगिताको आयोजना गर्ने भएको छ । क्लवले शुक्रबार दमौलीमा एक कार्यक्रमको आयोजना गरी प्रतियोगिताबारे जानकारी गराएको हो । प्रतियोगितामा गण्डकी अंचलका मनाङ बाहेकका तनहुँ, कास्की, गोरखा, लमजुङ र स्याङ्जा जिल्लाका पत्रकारहरुको सहभागिता रहने क्लवका अध्यक्ष मदन वाग्लेले बताए । प्रतियोगितामा प्रथम हुने टोली सहित उत्कृष्ट खेलाडी, सर्वाधिक गोलकर्ता र उत्कृष्ट गोलकिपरलाई मेडल र प्रमाणपत्र सहित पुरस्कृत गरिने आयोजकले जनाएको छ । प्रतियोगिताले विभिन्न जिल्लामा छरिएर रहेका पत्रकारहरु बिचको सम्बन्ध सुदृद पार्ने रिर्पाेटर्स क्लवका उपाध्यक्ष ओमकार आचार्यले बताए ।
२ दिनसम्म चल्ने प्रतियोगिता संचालनका लागि करिब ७० हजार खर्च हुने अनुमान गरिएको जानकारी दिदै अध्यक्ष वाग्लेले स्थानीय संघसंस्था, व्यापारी र कर्मचारीबाट आर्थिक सहयोग संकलन गरिएको उनले बताए ।
