काठमाण्डौ, माघ १३

पेट्रोलियम पदार्थको मूल्यवृद्धि फिर्ताको माग गर्दै आएका युवा तथा विद्यार्थी सङ्गठनहरूले आजदेखि दोस्रो चरणको आन्दोलन सुरु गर्ने भएका छन् । सरकारले मूल्य केही घटाए पनि बढाइएको मूल्य पूर्ण रूपमा फिर्ता हुनुपर्ने विद्यार्थीहरूको माग छ । हिजो साँझ सरकारसँग भएको वार्ता निष्कर्षमा पुग्न नसकेपछि उनीहरूले आजदेखि दोस्रो चरणको आन्दोलन थाल्ने भएका हुन् ।

वार्तामा सरकारका तर्फबाट सहभागी आपूर्ति मन्त्री लेखराज भट्टले अहिलेको अवस्थामा मूल्यवृद्धि फिर्ता हुन नसक्ने बताउनुभएको थियो । युवा तथा विद्यार्थीहरूले आजदेखि शैक्षिक संस्था अगाडि सरकारी गाडी गुड्न नदिने, वृहत् अन्तक्र्रिया, विरोधसभालगायतका कार्यक्रमहरू गर्ने भएका छन् ।