काठमाण्डौ, भ्यालेनटाईनको मौकामा फागुन पाँच गते देखि देशब्यापी रिलिज हुन लागेको चलचित्र मिस यूको हल ट्रेलर सार्वजनिक गरिएको छ ।

अभिनेता दीलीप रायमाझीको निर्माण तथा सुरेश दर्पण पोखरेलको निर्देशनमा तयार भएको उक्त चलचित्रमा दीलीप सहित नम्रता श्रेष्ठ र बरुण राणा लिड रोलमा छन् । प्रतिक्षित सिनेमाहरुको लिष्टमा गनिएको उक्त चलचित्रको यस अघि सार्वजनिक गरिएका टिजर प्रोमो र गीत पनि यूट्यूवमा धेरै भिजिट भैसकेका छन् । सिनेमाको ८० प्रतिशत छायाकंन मलेसियामा गरिएको हो ।

यस अघि सार्वजनिक गरिएको प्रोमोमा प्रेमका कुरामात्र देखाईएको थियो भने अहिलेको प्रोमोमा प्रेम द्धन्द र रोमान्सका दृश्यहरु देखाईएका छन् । पर्सी शुक्रबार देखि देशभरीका प्राय सवै हलमा देखाईने गरी तयार गरिएको उक्त ट्रेलरमा नायक दिलीप रायमाझी र अनुहार नदेखिने गरी एक युवतीको बेड सिन फोकस गरिएको छ । ति युवती को हुन् भन्ने बारे खुलाईएको छैन ।फिल्मीखबर