एजेन्सी, माघ ६,

प्यालेष्टिनी संसदका सभामुख अब्दुल अजीज अदवेकलाई आतंकवादी गतिविधीमा संलग्न रहेको आरोपमा ईजरायली सीमा सुरक्षा बलले पक्राउ गरेको छ । अदवेकलाई रमल्लाह र जेरुसेलमको बिचमा पर्ने जाभा क्षेत्रबाट ईजरायली सुरक्षाफौजले नियन्त्रणमा लिएको हो ।

अदवेक प्यालेष्टिनी क्षेत्र गाजामा शासन चलाईरहेको ईस्लामिक संगठनका हमासका वरिष्ठ र प्रभावशाली नेता हुन् । ईजरायल र हमासबीच तनाव बढिरहेका बेला भएको हमास नेताको गिरफतारीले दुई पक्षबीच द्वन्द्व अझ चर्किने संभावना बढेको विश्लेषकहरुले बताएका छन् ।

प्यालेष्टिनी संसदमा रहेका ७४ जना हमास सदस्य मध्ये २० जनालाई ईजरायलले यसअघि विभिन्न आरोपमा पक्राउ गरेको गियो । अदवेकलाई अमेरिका, यूरोपियन युनियन र इजरायलले आतंकवादी रहेको आरोप लगाउँदै आएका थिए । - एजेन्सीको सहयोगमा