काठमाडौ, मंसिर २२,

अमेरिकाबाट सञ्चालित फेस बुक नेपालीमाँझ अत्यन्तै लोकप्रिय सामाजिक सञ्जाल हो । ईन्टरनेटमा पहुँच भएका नेपालीकालागी फेसबुक यूजटु जस्तो भईसके पनि अधिकांश नेपालीहरुलाई थाहाँ नहुन सक्छ नेपालीले नै फेसबुक भन्दा बढी सुविधासम्पन्न समाजिक निर्माण गरेर सञ्चालन गरिरहेका छन् भनेर । हो नेपालीले नै नेपालीहरुकालागी संगालो डटकम नामको सामाजिक सञ्जाल सञ्चालनमा ल्याएका छन । प्रिन्सटन मिडियाले सञ्चालनमा ल्याएको सो सामाजिक सञ्जाल वेबसाइटमा प्रयोगकर्ताको गोपनीयतामा विशेष जोड दिइएको छ । उक्त साइटमा अकाउन्ट र वाल पोस्टिङमा फरक फरक ढंगले गोपनीयता सेट गर्न सकिने सुविधा पनि छ ।

त्यस्तै वेबसाइटमा वाल पोस्टिङ, गु्रप च्याट, प्राइभेट च्याट, भिडियो, संगीत लगायत प्रयोगकर्ताले आफ्ना सूचनाहरु पोस्ट गर्न सक्छन् । त्यसैगरी ग्रुप बनाउने, पेज बनाउने लगायत सुविधा छन् । प्वाइन्ट्स, किनबेच र उपहारको थप सुविधा छ । प्रयोगकर्ताले रजिस्ट्रेसन गरिसके पछि साइटमा गर्ने क्रियाकलापका आधारमा प्वाइन्ट थपिदै जान्छ । ती प्वाइन्टलाई प्रगयोगकर्ताले गिफ्ट पठाउने लगायत प्रायोजनका लागि प्रयोग गर्न सक्छन् ।

त्यस्तै गरी प्रयोगकर्ताले अन्य प्रयोगकर्ताका सामान किन्न र आफ्नो सामान बिक्रीका लागि राख्न सक्छन् । आन्तिम परिक्षण बाहिर ल्याइएको यो वेबसाइट एकैचोटि १० हजार भन्दा बढीले चलाउन सक्ने कम्पनीले दावी गरेको छ । सञ्चालनमा आएको एक महिनाभित्रै चार हजार सदस्य भएको मार्केटिङ म्यानेजर सुमन श्रेष्ठले दावी गरे ।

१ कृपया पेज लोड गरिसकेपछी साईन अफ हियर भन्ने लिङकमा क्लिक गर्नुहोस ।

२ त्यसपछी आउने फर्म पुर्ण रुपमा भर्नुहोस र कन्टिनियसमा क्लिक गर्नुहोस । त्यसै गरी दोस्रो र तेस्रो पेज पनि भर्नुहोस ।

३ प्रोफाइल फोटो अप्लोड गरिसकेपछी सिष्टमबाट तपाईंको ईमेलमा भेरीफिकेसनको लागि ईमेल लिङक आउछ ।

४ अब तपाईंको ईमेल खोलेर उक्त लिङकमा क्लिक गर्नुस । अनि तपाइको ईमेल भेरीफाइ हुन्छ र तपाई लग इन गर्न सक्नुहुन्छ ।

कृपया केबल सही ईमेल आइडी मात्र प्रयोग गर्नुहोला अन्यथा तपाईंले आफ्नो ईमेल भेरीफाइ गर्न सक्नु हुन्न ।www.sangaalo.com