— एजेन्सी, मंसिर ३,

लिबियाको अन्तरिम सरकारले पूर्व शासक कर्नेल मआमर गद्दाफीका छोरा सैफ अल इस्लाम पक्राउ परेको बताएको छ । सैफलाई उनका अंग रक्षक सहित दक्षिणी मरुभूमि क्षेत्रबाट पक्राउ गरिएको अन्तरिम सरकारका कानुनमन्त्री मोहम्मद अल अलाग्गीले पुष्टि गरेका छन् ।

‘सैफ अल इस्लामलाई हामीले उबारी क्षेत्रबाट पक्राउ गरेका छौँ’, लिबियाका कानुनमन्त्री अलाग्गीले भन्नुभयो । गिरफतार गरिए पस्चात सैफलाइ जिन्तान शहर लगिएको लिबियाली अधिकारीहरुले जनाएका छन् । उनको स्वास्थ्य अवस्था सामान्य रहेको लिबियाका न्यायमन्त्रीले बताएका छन् ।

अगस्टमा अन्तरिम परिषद गठन भएदेखी सैफ वेपत्ता थिए । सैफ अन्तराष्ट्रिय अपराध न्यायालयको मानवता विरोधी आपराधिको सूचिमा सूचिकृत छन् । सैफ माथि आफ्ना बाबुको शासनकालमा मानवता बिरोधी काम गरेको भन्दै युद्ध अपराधको आरोपमा अन्तराष्ट्रिय फैजदारी अदालतमा मुद्दा चलिरहेको छ । सैफले वावुको कार्यकालमा मानवता विरोधि काम गरेकाले अन्तराष्ट्रिय अपराध न्यायालयले उनीविरुद्ध वारेन्ट जारी गरेको थियो ।

सैफ पक्राउ परेको अवसरमा राजधानी त्रिपोलिमा हज्जारौले खुशियाली मनाएका छन् । यो कर्णेल गद्दाफीको मृत्यु पछिको दोस्रो सफलता भएको लिबीयाली सेनाले दावी गरेको छ । कर्नेल मोआमर गद्दाफी एक महिना अघि आफ्नै गृहनगर सिर्तेमा मारिएका थिए ।