एजेन्सी, मंसिर ३,

अमेरिकाले एक घण्टा भित्र संसारको जुनसुकै ठाउँमा आक्रमण गर्न सक्ने शक्तिशाली बमवाहक विमान बनाएको छ । हाइपरसोनिक नाम दिइएको यो विमानको अमेरिकाले सफल परीक्षण गरेको छ ।

यो बमवाहक विमान प्रतिघण्टा ६ हजार किलोमिटर उड्न सक्छ जुन गती ध्वनिको भन्दा पाँच गुना धेरै हो । परिक्षणका क्रममा बमवाहक विमानले २ हजार ३ सय किलोमिटरको दूरी आधा घण्टामा पार गरेको पेन्टागनका एक प्रवक्ताले बताएका छन् ।

यो बमवाहक विमान बनाउन ६ करोड ९ लाख अमेरिकी डलर खर्च लागेको अधिकारीहरुले जनाएका छन् । यसअघि सन् २००४ मा अमेरिकाले पाइलट रहित हाइपरसोनिक एक्स फोर्टी थ्री ए बमवहाक विमानको सफल परिक्षण गरेको थियो भने गएको अगस्टमा गरेको सुपरसोनिक बमवाहक विमानको परीक्षण भने विफल भएको थियो ।