शिवराम तेह्रौंपल्ट च्याम्पियन
Published on: Wednesday, September 28, 2011 //
खेलकुद
काठमाडौ, आश्विन १२,
शिवराम श्रेष्ठले व्यावसायिक गल्फको यात्रा चार वर्ष पूरा नहुँदै १३ औं उपाधिका रूपमा बुधबार स्वणिर्मा ओपन जितेका छन् । चार वर्षअघि बैंककमा प्रो टर्न भएका उनले चिरपरिचित प्रतिद्वन्द्वी रवि खड्कालाई दुई स्ट्रोकले हराएर सूर्य नेपाल गल्फ टुर २०११/१२ मा दोस्रो र प्रो करिअरको १३ औं उपाधि कब्जा गरेका हुन् । सन् २००७ डिसेम्बरको सीएमएस ओपन उनको पहिलो उपाधि हो । त्यसयता दर्जन ट्रफी उनले सूर्य नेपाल गल्फ टुरमा हात पारेका हुन् । सर्वाधिक सफल नेपाली प्रो शिवरामले एमेच्योर छँदै वेस्टर्न ओपन-२००५ को मुख्य ट्रफी चुमेका थिए ।
अन्तिम दिन इभन पार ६७ स्कोर गरेका उनी ५४ होलको स्वणिर्मा ओपनमा समग्रमा ४ अन्डर १ सय ९७ मा रहे । पार ६७ को आरएनजीसीमा १ ओभर ६८ खेलेका रविको समग्र स्कोर रमेश अधिकारी समान २ अन्डर १ सय ९९ रह्यो ।
रोमाञ्चक प्रतिस्पर्धा
रवि एक समय शिवरामलाई एक स्ट्रोकले पछि पार्दै शीर्षमा उक्लेका थिए । एक स्ट्रोकअघि रहँदै खेल सुरु गरेका शिवराम सुरुआती दुई होलमा बोगीमा परे । पहिलो होलमै इभन पार खेल्दै रविले कुल ४ अन्डरको स्थितिमा शिवरामसँग बराबरीमा पुगेका थिए । दोस्रो होल पनि इभन खेल्दै रविले अग्रता लिए । पार ५ को चौथो होलमा रविले पार खेलेपछि शिवराम बर्डी प्रहार गर्दै फेरि बराबरीमा पुगे । पार ३ को पाँचौं होलमा रवि बोगीमा परेपछि पारमा टुंग्याउँदै शिवराम एक स्ट्रोकले अघि बढे । त्यसपछि उनी कहिल्यै पछि र्फकनुपरेन । दुवैले छैटौंमा बर्डी आत्मसात् गरे ।
सातौं होलमा बर्डी गर्दै शिवरामले अग्रता दुई स्ट्रोक बनाए । त्यसमा रविले पार खेले । लगातार तेस्रो दिन वषर्ाले प्रभावित खेलमा उक्त अग्रता जोगाउँदै शिवरामले १३ औं उपाधि जितेका हुन् । उनीसँगै अन्तिम होलमा बोगीमा परेपछि रवि रमेशसँग उपविजेताको पुरस्कार बाँड्न बाध्य भए । ब्याक नाइनमा गरेको ४ बर्डीको सहयोगमा दिनकै उत्कृष्ट २ अन्डर ६५ स्कोर गर्दै रमेशले रविलाई भेटाएका थिए । दुवैको पोल्टामा ३५ हजार ७ सय ५० रुपैयाँ पर्यो । कुल ३ लाख रुपैयाँ पुरस्कारको स्वणिर्मा ओपनमा शिवरामले ६० हजार रुपैयाँ हात पारे ।
बलियो आत्मविश्वास
चार महिना अन्तरमा निरन्तर दुई उपाधि चुमेका शिवरामले भने, 'राम्रो लयमा भएकाले पछि पर्दा पनि उपाधि जित्नेमा विश्वस्त थिएँ ।' लगातारको झरीले राम्रो खेल्न गाह्रो भएको २८ वषर्ीय प्रोले भने, 'प्रतियोगिता ७-८ अन्डरमा टुंग्याउने योजना थियो, त्यसमा वर्षँ बाधक रह्यो । त्यसैले सुरक्षित खेल्नुपर्यो ।' तीनै दिन शिवराम पछ्याएका ३५ वर्षिय रविले भने, 'मौका धेरै पाएको हो । तर मैले राम्रो खेल्न सकिनँ । अग्रता लिएको फाइदा लिन सकिनँ ।' पार ३ को पाँचौं होलको टि-शटमा बल गि्रनमा राख्न नसकेकाले बोगीमा परेपछि खेलमा र्फकन गाह्रो भएको उनले बताए । 'पटिङ पनि राम्रो भएन । नजिकका ७-८ पट मिस गरें,' उनले भने ।
गोर्खा लामा समग्रमा २० ओभर २ सय २१ खेल्दै एमेच्योरतर्फ विजेता भए । उनले अन्तिम दिन ७१ स्ट्रोक खेले । एमेच्योरमा दिनेश प्रजापति उपविजेता भए । गोर्खासँग एक स्ट्रोक अन्तरका उनले तेस्रो दिन ६ ओभर ७३ को कार्ड बनाए ।
१९७-शिवराम श्रेष्ठ,
१९९-रवि खड्का, रमेश अधिकारी,
२०४-दीपक थापामगर, २०७-सञ्जय लामा,
२०८-मणि राई, दीपक न्यौपाने, २११-यलम्बरसिंह अधिकारी, २१२-राम थापा,
२१४-पशुपति शर्मा र सूर्यप्रसाद शर्मा ।
राजु घिसिङ/कान्तिपुर
