बेलायती क्लबबाट खेल्ने भए नेपाली खेलाडी रोहित
Published on: Thursday, August 11, 2011 //
खेलकुद
नेपालका प्रतिभाशाली फुटबल खेलाडी रोहित चन्दले बेलायती क्लबबाट फुटबल खेल्ने भएका छन् । नेपाली डिफेन्डर रोहित चन्दले इंग्ल्यान्डमा फुटबल कौशल देखाउने अवसर पाएका छन् । नर्थह्याम्पटाउनसायरको 'केटरिङ टाउन फुटबल क्लब'ले उनलाई ४ खेल खेल्ने मौका दिएको हो । 'ठूलो अवसर आएको छ,' १९ वर्षीय सेन्टर-ब्याक रोहितले भने, 'त्यहाँ राम्रो गर्न सके युरोपमा खेल्ने मेरो सपना साकार हुनेछ । उत्कृष्ट प्रदर्शन गर्न सक्दो प्रयास गर्नेछु ।'
केटरिङ टाउन इंग्ल्यान्डको पाँचौं डिभिजनको फुटबल 'ब्लु स्क्वायर लिग' खेल्ने क्लब हो । उनले त्यहाँ एक साताको प्रशिक्षणपछि पि्रमियर लिगका टोटेनहम हर्टस्परसहित चार क्लबविरुद्ध केटरिङको टिमबाट खेल्ने नेपाली राष्ट्रिय टिमका प्रशिक्षक ग्राहम रोबर्टस्ले बताए । रोबर्टस्कै पहलमा रोहितले यस्तो अवसर पाएका हुन् ।
रोबर्टस्का अनुसार रोहितले केटरिङबाट खेल्ने खेल हेर्न पहिलो डिभिजनको प|mान्सेली क्लब रेनेस तथा पि्रमियर लिगको आर्सनलसहित इंग्ल्यान्डका ठूला-साना क्लबका ४० भन्दा धेरै 'स्काउट' उपस्थित हुनेछन् । क्लबका लागि खेलाडी खोज्ने व्यक्ति हुन्, स्काउट । खेल राम्रो लागेमा उनीहरूले रोहितलाई क्लबमा अनुबन्धको प्रयास गर्नेछन् ।
'केटरिङबाट खेल्दा रोहितले निकै मेहनत गर्नुपर्छ,' टोटेनहमका पूर्वकप्तान रोबर्टस्ले भने, '१ सय ५० प्रतिशत खेल्न सके उनले युरोपेली क्लबमा अवसर पाउनेछन् ।' इंग्ल्यान्ड जान उनले प्रवेशाज्ञाको प्रक्रिया सुरु गरिसकेका छन् । 'भिसा प्राप्त गर्नेबित्तिकै इंग्ल्यान्डतर्फ लाग्नेछु,' रोहितले भने ।
दुई सातायता इंग्ल्यान्डको टप डिभिजनका क्लब आर्सनल, टोटेनहम र फ्रान्सेली लिग च्याम्पियन लिल्लेले रोहितलाई खेलाउन इच्छा देखाएको विभिन्न बेलायती वेबसाइटले लेख्दै आएका छन् । नेपाली राष्ट्रिय टिमबाट १४ क्याप जितेका उनले गत वर्षको पहिलो डिभिजनको भारती क्लब हिन्दुस्तान एरोनटिक्स लिमिटेडबाट 'आई लिग' खेलेका थिए । त्यसअघि उनले एक सिजन मच्छिन्द्र क्लबबाट खेलेका थिए । रोहित बेलायती क्लबमा 'ट्रायल' दिने दोस्रो नेपाली हुनेछन् । दुई वर्षअघि फरवार्ड अनिल गुरुङले छैटौं डिभिजनको क्लब 'वोकिङ' मा ट्रायल दिएका थिए । अनुबन्धको प्रस्ताव आए पनि 'वर्क परमिट' नपाउँदा उनी स्वदेश फर्केका थिए ।
@ Solidarity
