अहिले सम्म विश्वकै अग्लो बिरालो I
Published on: Monday, January 2, 2012 //
विज्ञान प्रविधि
अमेरिकाको क्यालिफोर्नियामा १९ इन्च अग्लो बिरालो छ जसले विश्वकै अग्लो घरपालुवा बिरालोको रुपमा गिनिज बुकमा नाम लेखाएको छ । ट्रबल नामको यो बिरालो अहिले ३ वर्षको भएको बिरालोकी मालिक्नी डेब्बी मारास्पिना बताउँछिन् ।
नामको अर्थ हैरानी भन्ने भएपनि यो बिरालोका कारण मालिक्नीलाई हैरानी भन्दा पनि इज्जत र प्रतिष्ठा प्राप्त भएको छ । यो बिरालो अपि|mकन बिरालोसँगको समागमबाट जन्मिएको ठिमाहा बिरालो हो ।
आफुले पालेको बिरालो निकै अग्लो रहेपनि आफ्नी साथीले यो विश्वकै अग्लो बिरालो हुनसक्ने बताएपछि मात्र डेब्बीलाई बिरालोको उचाइँ नाप्ने रहर जागेको थियो ।
भेटनरी अस्पताल गएर बिरालोको उचाइँ नापेपछि उनले आफ्ना बिरालो त्यतिबेला गिनिज बुकमा दर्ज भएको बिरालो भन्दा १ इन्च अग्लो रहेको पाइन् र त्यसपछि उनले गिनिज रेकर्डको कार्यालयमा दाबी पेश गरिन् । अघिल्लो वर्ष लण्डनमा भएको कार्यक्रममा गिनिज रेकर्डस्ले उनको बिरालोलाई विश्वकै अग्लो बिरालोको रुपमा प्रमाणपत्र प्रदान गर्यो ।
धेरै अग्लो भएपनि यो बिरालोको तौल भने जम्मा २० पाउण्ड मात्र छ । बिरालोले खरायोको मासु तथा गाइगोरुको मासु मन पराउने यसका मालिक जोन बताउँछन् ।अनलाइन
