गोपाल परियार काठमाडौँ ,माघ ९,

पशुपतिनाथ मन्दिरको स्वामित्वमा रहेको गौशालास्थित धर्मशालाका २६ वटा सटरहरु,त्रिभुवन अन्तर्राष्ट्रिय विमानस्थलले प्रयोग गररिहेको १ हजार ४ सय रोपनी जग्गा करबि दुई सय कोठामा बस्न आउने तीर्थयात्रीबाट शुल्क लिने धर्मशाला , तिलगंगा आँखा अस्पताल, गोल्फकोर्स, सञ्चारग्राम, पाँचतारे होटल ह्यात, होटल द्वारकिा र चाबहिल वरपर रहेका स्कुल, कलेज, होटल, रेस्टुराँ, व्यावसायिक कम्प्लेक्सल आदि भएको मुलुकको सबैभन्दा धनी मन्दिर व्यवस्थापन भएको पशुपतिनाथको भेटिघाटी पारदर्शी गर्न सरकारले दुई महिनाअघि गठन गरेको समितिले भट्ट-भण्डारीलाई एक लाख ६७ हजारदेखि तीन लाख पचास हजार रुपैयाँसम्म पारिश्रमिक प्रस्ताव गरेको छ। पशुपतिनाथ मन्दिरमा चढाइने भेटिघाटी सबै भट्ट-भण्डारीले बाँडेर लिँदै आएका छन्।

यसलाई व्यवस्थित गर्न गठित 'भेटिघाटी व्यवस्थापन तथा नियमावली तर्जुमा समिति'ले भट्टभण्डारीसँगको सहमतिमै तलब प्रस्ताव गरेको हो। प्रस्ताव कार्यान्वयन भएपछि मन्दिरको भेटी भट्ट-भण्डारीले बाँडेर लिने परम्परा अन्त्य भई पशुपतिनाथकै विकास निर्माणमा लगाइनेछ। समितिका एक सदस्यका अनुसार भण्डारीलाई पालो परेका बेला तीन लाख ५० हजार रुपैयाँ पारिश्रमिक दिने र मूलभट्टलाई दुई लाख ३२ हजार र अन्य चार भट्टलाई प्रतिव्यक्ति मासिक एक लाख ६७ हजार रुपैयाँ पारिश्रमिक प्रस्ताव गरिएको छ।

भट्ट-भण्डारीसँगको सहमतिपछि सम्पूर्ण भेटिघाटी कोषमा दाखिला गरी उनीहरूलाई तलब तोकिएको छ एवम उनीहरूका लागि प्रस्तावित सेवा सुविधासहितको प्रतिवेदन आउने सोमबार सरकारलाई बुझाउँने समितिका एक सदस्यले बताए ।