आजबाट नेपालमा पनि सहकारी वर्षको औपचारिक शुरुवात I
Published on: Thursday, January 26, 2012 //
समाचार
काठमाडौं, माघ १३
नेपाल सरकारले शुक्रबारबाट राजधानीमा विशेष कार्यक्रम गरी सहकारी वर्षको उद्घाटन गरेर औपचारिक रुपमा मनाउन लागेको छ। संयुक्त राष्ट्रसंघले सन् २०१२ लाई अन्तराष्ट्रिय सहकारी वर्षको रुपमा घोषणा गरेर मनाइरहदा उक्त अभियानलाई नेपाल सरकारले पनि औपचारिकरुपबाट शुरुवात गर्ने भएको हो।
विश्वमै सहकारीका माध्यमबाट आर्थिक रुपमान्तरणमा महत्वपूर्ण भूमिका खेलेकाले सुंयुक्त राष्ट्रसंघले सन् २०१२ लाई सहकारी वर्ष घोषणा गरेको छ। विभिन्न स्थानमा शुरु हुने जुलुस एकत्रित भएपछि खुलामञ्चबाट औपचारिकरुपमा उद्घाटन हुने कार्यक्रममा हजारौं सहकारीकर्मीहरुको सहभागिता रहने बताइएको छ।
यस वर्षको सहकारी नारा सहकारी ‘उद्यममार्फत सुन्दर विश्व’ तय गरिएको छ। सहकारीबाट विश्वमा ठूला राष्ट्रहरुमा आर्थिक विकासमा उदाहारणीय काम भएका छन्। नेपाल सरकारले पनि तीनखम्बे अर्थनीति अन्तर्गत सहकारीलाई उच्च महत्व दिएको छ। देशमा २६ हजार भन्दा बढी सहकारी संस्थाहरु दर्ता भई सञ्चालनमा रहेका छन्। सहकारी संस्था बढी नाफामुखी हुन थालेपछि केही सहकारीका कारण यस क्षेत्रमा विकृति र समस्याहरु पनि देखा पर्न थालेका छन्।
उक्त विकृति र ठगी नियन्त्रणका लागि अनुगमन र नियन्त्रणका संयन्त्रहरुलाई बलियो बनाउनु पर्ने र शेयर सदस्य भएर मात्र सहकारीमार्फत कारोबार गर्नुपर्नेमा जोड दिईएको छ ।स्रोत : हाम्रा कुरा
