नयाँ वर्ष मनाइरहँदा जापानमा भूकम्प I
Published on: Sunday, January 1, 2012 //
बिश्वमा
-एजेन्सी नयाँ वर्ष २०१२ को स्वागतमा उत्सव मनाइरहँदा जापानमा ७ रेक्टर स्केलको भूकम्प गएको छ । जापानको भुकम्प मापन गर्ने मेट्रोलोजिकल एजेन्सीले स्थानीय समय अनुसार २ बजेर २८ मिनेट जाँदा भूकम्प गएको जनाएको छ ।
राजधानी टोकियो भन्दा ५ सय ६० किलोमिटर दक्षिणमा रहेको सामुन्द्री टापु तोरिशिमालाई केन्द्रबिन्दु बनाएर भुकम्प गएको एजेन्सीले जनाएको छ । भूकम्प पछि उच्च सर्तकर्ता अपनाएपनि सुनामीको चेतावनी दिइएको छैन । हालसम्म कुनै क्षतिको विवरण नआएको जापान टुडे डट कमले जनाएको छ ।
अमेरिकी भूकम्प मापन केन्द्रले समुन्द्री सतहभन्दा ३ सय ४८ किलोमिटरसम्म भूकम्पको धक्का महसुस गरिएको जनाएको छ । जापान टुडेका अनुसार भूकम्पका कारण रेल, हवाइ तथा अन्य यातायत केही पनि प्रभावित नभएको भएपनि सर्तकता अपनाइएको छ ।
सन् २०११ को मार्च ११ मा गएको ९ रेक्टर स्केलको भूकम्पबाट जापानमा १९ हजार भन्दा बढीको ज्यान गएको थियो भने आणविक भट्टी फुटेका कारण वातावरणीय विपत्ति आइपरेको थियो ।
