लिला शाह

 लमही दाङ माघ ११-दाङको लमही–घोराही सडक खण्डको भैसाहीमा हिजो साम्झ ट्रेक्टर पल्टिदा मृत्युहनेको संख्या ७ पुगेको छ । दुर्घटनामा ९ जना घाइते भएका छन् ।लक्ष्मीपुरका इश्वर चौधरीको उपचाकार क्रममा ज्यान गएपछि मृत्युहुनेको संख्या ७ पुगेको हो । घोराहीबाट लक्ष्मीपुर गाविस तर्फ जादै गरेकोे टे«क्टर सडकछेउको खोल्सामा पल्टिदा टे«क्टरमा सवार ६ जनाको घटनास्थलमै मृत्यु भएको थियो  ।

घाइतेमध्ये ६ जनाको अबस्था गम्भिर भएकाले उनीहरुलाई घोराहीमा प्रारम्भिक उपचारपछि थप उपचारका लागि नेपालगञ्ज रिफर गरिएको जिल्ला प्रहरीले जनाएको छ ।

यसैविच

खोटाङ्को नुनथलाका एक युवाले गएराती आफ्नै आमाको हत्या गरेका छन् ।

सामान्य घरायसी बिबादमा नुनथला–३ का ३५ बर्षिय टार्जन राईले आमा ६६ बर्षिय निरमायाँ राईको हत्या गरेको जिल्ला प्रहरी कार्यालय खोटाङ्ले जनाएको छ ।  

प्रहरीका अनुसार टार्जनले आमालाई चिर्पटले हानेर घाईते बनाएका थिए । घाईते निरमायाँको उपचारका क्रममा मृत्यू भएको जनाइएको छ ।

प्रहरीले टार्जनलाई  नियन्त्रणमा लिएर अनुसन्धान सुरु गरेको बताएको छ ।