काठमाण्डौ, शुक्रबार फिल्मीखबरसंगको जम्काभेटमा अभिनेत्री करिश्मा माननन्धरलाई आजकाल कुन प्रोजेक्टमा बिजी हुनुहुन्छ भनी प्रश्न गर्दा उनले भनिन्, 'पुरै खाली नै छु भन्दा हुन्छ तर फुर्सद पनि छैन ।'

डिप्लोमेटिक उत्तर दिदा करिश्माले केही कुरा लुकाए जस्तो देखिन्थ्यो । तर पुनः फिल्मीखबरको विभिन्न प्रश्नमा उनले भनिन्, 'एउटा प्रोजेक्टको तयारीमा छु त्यसैले अहिले यो नै यो हो भनेर भन्दिन ।' उनका अनुसार आउदो बैशाखसम्म उनको महत्वकाक्षी प्रोजेक्ट लन्च हुनेछ ।

कुरा गराईमा विभिन्न संकेतले उनी समाजसेवा गर्ने प्रकृतिको संस्था खोल्ने योजनामा छिन् । जसलाई गोपीकृष्ण मुभिजका सञ्चालक उद्धव पौडेलले पनि सहयोग गर्ने उनले सानो संकेत गरेकी छिन् । यस अघि गोपीकृष्ण मुभिजबाट सिनेमा निर्देशनमा डेब्यू गर्ने भनिए पनि करिश्माले उक्त प्रोजेक्टका कारण सिनेमा निर्देशन अझै केही समय नगर्ने संकेत गरेकी छिन् । जसकारण उक्त प्रोजेक्टको योजनाको बारेमा उनले कुरा खोल्न नचाहनुले प्रोजेक्ट गम्भीर र महत्वकाक्षी छ भन्ने आफै प्रष्ट हुन्छ ।

उमेर ढल्कदै गए पनि डिभा देखिएकी उनी पछिल्लो समय उकेश दाहाल निर्देशित चलचित्र किन किनमा समकालिन अभिनेता राजेश हमालसंग अनस्क्रिन ब्यस्त थिईन् तर छायाकंनको अन्तिम चरणमा सेडुवल जुध्दै भन्दै महानायकले उकेशको फिल्मका लागि समय नदिदा उक्त प्रोजेक्ट अलपत्र परेको छ । किन किन सहित करिश्माले लामो समय पछी चलचित्र मायाको बारीमा पनि हमालसंग अनस्क्रिन रोमान्स गरेकी छिन् । गोपीकृष्ण मुभिजले बनाएको मायाको बारीमा रिलिजको तयारीमा छ । फिल्मीखबर