एजेन्सी, मंसिर २८,

चीनमा भएको स्कुल बस दुर्घटनामा १५ जना विद्यार्थीको ज्यान गएको छ । चीनको जिंग्सु प्रान्तमा स्थानीय प्राथमिक विद्यालयका विद्यार्थीहरुलाई बोकेर घरतर्फ लगिरहेको बस सडकबाट पल्टिएर दहमा खस्दा दुर्घटना भएको बीबीसीले जनाएको छ ।

केही विद्यार्थीहरुको डुबेर तथा केही विद्यार्थीहरुको निसास्सिएर ज्यान गएको अधिकारीहरुले बताएका छन् । एक महिना अघि मात्र गान्सु भएको मिनिबस दुर्घटनामा १९ जना स्कुले बालबालिकाको ज्यान गएको थियो ।

सरकारले विद्यार्थी बोकेका बस दुर्घटना हुने क्रम रोक्न कडा नियम लागु गरेको भोलिपल्टै पछिल्लो दुर्घटना भएको हो ।