समीक्षकहरु उनलाई वैकाल्पिक धारकी नायिका भन्छन् । तर उनी स्विकार्दीनन् । उनको विचारमा जोकोहीले जुनसुकै फिल्म खेल्नुपर्छ भन्ने छैन । फस्ट लभुबाट फिल्म लाइनमा डेब्यु गरेकी उनै ऋचा शर्माले विभिन्न म्युजिक भिडियो फिल्म र सिरियलमा आफ्नो कला पस्किसकेकी छन् । उनी अभिनित मेरो लभ स्टोरी काठमाडौंका हलमा सातौ हप्तामा चलिरहेको छ ।

फिल्म चल्न हम्मेहम्मे भइरहेको अवस्थामा यो टिकाउले नै थाहा हुन्छ उनको कला । मेरो सिनेमा पपुलर आवार्ड डिजिटल सिनेमा आवार्ड राष्ट्रिय प्रतिभा पुरस्कार-२०६७ जस्ता आवार्डले सम्मानित भइसकेकी छन् उनी । नेपाल फिल्म टेक्निसियन एसोसियननेफ्टाको फेस अफ दि एअर-२०११ मा नोमिनेशनमा परेकी छन् उनी । फिल्मी अनुभवबारे एभरेष्ट टाइम्सका नेत्र मोक्तानले उनीसँग गरेको कुराकानीः

मेरो लभ स्टोरी मा दर्शकको कमेन्ट कस्तो आयो ?
पहिलो फिल्म फस्ट लभु मा राम्रो गरेकी थिए । यसमा पनि राम्रै गरेको छु । दर्शकको आशा पहिलोमा भन्दा पछिल्लो फिल्ममा हुंदोरहेछ । धेरै आशा राखेकोले पनि हुन सक्छ मिश्रित प्रतिक्रिया आए ।

दर्शकबाट कस्तो कमेन्ट चाहानुहुन्छ ?
नेगेटिभ् पोजिटिभ् दुबै । सुधि्रन नेगेटिभ कमेन्ट पनि आउनुपर्छ । कान्तिपुर टिभीबाट प्रसारण भइरहेको ुहाम्रो टिमु हेरेर कमेन्ट गर्ने दर्शक धेरै छन् । त्यो पनि अमेरिकाबाट । मलाई आएका कमेन्ट मध्ये ९० प्रतिशत राम्रो छ भन्ने थिए ।

हाम्रो टिमु मा कोचको भुमिकामा हुनुहुन्छ गाह्रो भएन र ?
मलाई भुषण दाहालसँगै काम गर्ने मन थियो । हाम्रो टिमु जस्तो च्यालेन्ज भएको फिल्ममा त झनै राम्रो हुने आशा थियो । तर कोच गर्नुपर्दा शुरुका दिनमा निकै गाह्रो भयो । निराश भए । तर पछिल्ला दिनमा राम्रो हुदै आयो र आशा जगायो ।


कोच बन्न कसरी सिक्नुभयो ?
म फुटबलकी फ्यान हुँ । हाम्रो टिमु सुटिङअघि ४० दिन फुटबल खेले । दैनिक ४ घन्टा केटाहरुसँगै उनीहरुसरह फुटबल खेले । त्यहीबेला कोचको काम जाने ।

पर्दाबहिर केटी कोच कही देख्नुभएको छ संसारमा ?
मलाई जानकारी भएन । तर मैले हेरेको बिकी क्रिस्टीना बार्सिलोना फिल्ममा भने केटी कोच थिइन् ।

अरु फिल्म आउदैछन् तपाईको ?
मैले दुइ वर्षमा चारवटा फिल्ममा काम गरेको छु । दुइटा रिलिज भइसक्यो । लुट र हाइवे रिलिजको तयारीमा छ । भिसा गर्लु सुटिङको तयारीमा छ ।


लुट कहिले आउदैछ ?
जनवरी १३ मा रिलिज हुन्छ । यो खास गरी नेपाली युवाहरुको कथा समेटेको छ । केटी पात्र निकै कम छन् । मुख्य भुमिकामा म एक्लै । केटाहरुको कथा बोकेको फिल्म हो यो ।


हाइवे नि ?
यसको फिक्स भइसकेको छैन ।


हाइवेको केही कथा सुनाइदिनुस न ?
यो नेपाली हाइवेको कथा हो । इलामबाट काठमाडौं फर्कदा बाटोमा बन्द हुन्छ । बन्द भएका दिनहरु हाइवेमा कसरी वित्छन् र के कस्ता सुविधाहरु हाइवेमा हुन्छन् यस्ता कुरा फिल्ममा छन् । हाइवेमा नेपाली महिलाको पीडा पनि पोखिएका छन् । फिल्ममा म सेक्सुअल वर्करुको भुमिकामा छु ।

यस्तो भुमिका निभाउन कसरी सिक्नुभयो ?
फस्ट लभमा पनि म डान्सरको भुमिकामा थिए । त्यहीबेला देखि सेक्सवर्करबारे जान्न खोजेकी थिए । डान्समा जानु नेपाली परम्पराविरोधी थियो । साथीहरु मार्फत सेक्सवर्कर र डान्सरसँग भेटी उनीहरुको अनुभव र वाध्याताको अध्ययन गरे । त्यसपछि सजिलै भयो ।


हाइवे त अमेरिकामा पनि चल्ने हल्ला छ रिलिज हुदाँ आउनुहुन्छ यता ?
कुनै फिल्म रिलिज हुदाँ फिल्मको नायकनयिका हुनु निकै राम्रो मान्छन् दर्शकले । त्यसैले सायद् निर्माण पक्षले ल्याउलन् भन्ने आशा छ । मलाई पनि अमेरिका आएर केही दिन घुम्ने इच्छा छ । स्रोत : एभरेष्ट टाइम्स