एजेन्सी, मंसिर २९,

अमेरीकी राष्ट्रपति बाराक ओबामाले इराकमा अमेरिकी सेना सफल भएको दावी गर्नु भएको छ । नर्थ क्यारोलिनामा भएको एक कार्यक्रममा ओबामाले इराकको युद्ध समाप्तिको पछाडी अमेरिकी सेनाको गम्भीर र महत्वपूर्ण योगदान रहेको बताउनुभयो ।

इराकमा अमेरिकी सेनाले देखाएको बहादुरी सह्रानीय भएको उहाँको भनाई छ । १५ लाख अमेरिकी सेनाले इराकमा सेवा प्रदान गरेको उहाँले बताउनुभयो । इराक युद्धका बेला ४५ सय अमरिकी सैनिक मारिएका र झण्डै तीस हजार घाइते भएका पनि उहाँले बताउनुभयो ।

ओबामाले गत अक्टोबरमा गरेको घोषणा अनुसार इराकबाट सेना फिर्ता बोलाइएको हो । इराकको युद्ध अन्त्य भएकोमा अमेरिका अत्यन्तै खुशी भएको पनि ओबामाले बताउनुभयो ।