अदालतमा उपलब्ध गराइएको महिलाहरूको सूचीमा फर्डिनान्डकी पत्नीलाई समेत सहमावेश गर्ने हो उनले सम्बन्ध राखेका महिलालाई समावेश गरेर एउटा फुटबल टिम नै तयार पार्न सकिन्छ ।

लन्डन/ इंग्लिस फुटबल स्टार रियो फर्डिनान्डका १० गोप्य प्रेमिकाका नाम बि्रटेनको उच्च अदालतमा बुझाइएको छ । फर्डिनान्डसँग रात बिताएको दाबी गर्ने ती १० महिलामा यौनकर्मी, टपलेस मोडल तथा पप आइडलसमेत छन् ।

एक इन्टेरियर डिजाइनरसँग गोप्य सम्बन्ध राखेको समाचार छापेपछि सन्डे पत्रिकाविरुद्ध तीन पिताका बाबु ३२ वषर्ीय फर्डिनान्ड अदालतको शरणमा पुगेका थिए । तर, सो पत्रिकाले साक्षीसहित ती १० युवतीको नाम अदालतमा बुझाएको हो ।

अदालतमा उपलब्ध गराइएको महिलाहरूको सूचीमा फर्डिनान्डकी पत्नीलाई समेत सहमावेश गर्ने हो उनले सम्बन्ध राखेका महिलालाई समावेश गरेर एउटा फुटबल टिम नै तयार पार्न सकिन्छ ।

म्यानचेस्टर युनाइटेडका स्टारको गोप्य सम्बन्ध रहेका १० महिलाले आफूहरूले फर्डिनान्डसँग यौनसम्पर्कसमेत राखेको दाबी गरेका छन् भने उनका विपक्षी वकिलले उनी धोखेबाज प्रेमी भएको आरोप लगाएका छन् । ती १० मध्ये सात महिलाले फर्डिनान्डका तीन सन्तानकी आमा रेबेका एलिसनलाई छाडेर बाहिर जाँदा फर्डिनान्डले आफूहरूसँग सम्पर्क राख्ने गरेको आरोपसमेत लगाएका छन् ।

सन्डे पत्रिकामा फर्डिनान्डका बारे समाचार लेख्ने गेभिन मिलरले आफ्नै दुभाग्र्यका कारण फर्डिनान्ड अदालतमा आएको तथा अब उनको अनैतिक कार्यका पोलहरू अझै खुल्ने दाबी गरेका छन् ।

'फर्डिनान्डको अनैतिक कार्यहरूको खुलासा पब्लिक इन्टरेस्टमा गरिएको हो,' अदालतमा मिलरले भने, 'त्यो समाचार कुनै स्किप्टका आधारमा लेखिएको होइन । उनले समर्थक तथा पत्नीलाई लामो समयदेखि झुक्काइरहेका छन् ।'

अदालतमा बुझाइएका नाममध्ये पप आइडियलकी प्रतिस्पर्धी ३० वषर्ीया सराह ह्वाइटमोरले डिसेम्बर २००२ मा म्यानचेस्टरको बारमा फर्डिनान्डसँग भेटेपछि शारीरिक सम्बन्ध राखेको दाबी गरेकी छिन् । यस्तै २६ वषर्ीया ब्राजिली मोडल तातियन रोसालिनोले त्यही समयमा एक म्यागजिनका लागि फर्डिनान्डका साथ फोटो सुट गराएपछि आफूहरू नजिक आएको दाबी गरेकी छिन् ।

भर्जिन एयरकी ३१ वषर्ीया एयरहोस्टेज लरेन एल्कर्नले जनवरी २००३ देखि पाँच वर्षसम्म आफूहरूबीचको सम्बन्धका कारण गर्भवती बनेपछि गर्भ तुहाउन फर्डिनान्डले सात हजार पाँच सय पाउन्ड खर्च गरेको दाबी गरेकी छिन् ।

२७ वषर्ीया क्याथरिन सेर्फड तथा २६ वषर्ीया साभाना बेन्सनले साइप्रसमा फर्डिनान्डका साथ रात बिताएको अदालतलाई जनाएका छन् । २९ वषर्ीया इजरायली मोडल लिलाच याफले तेल अभिभमा फर्डिनान्डसँग निरन्तर भेट भइरहने जनाएकी छिन् । ३३ वषर्ीया टपलेस मोडल हली म्याकगुरको दाबीअनुसार फर्डिनान्डले आफू एक्लो भएको तथा जीवनमा उनीसँग मात्र सम्बन्ध रहेको झुट बोलेका थिए । नग्न नर्तक २२ वषर्ीया काराली रोबिन्सनले जापान आउँदा फर्डिनान्डले पत्नी रेबेकालाई ढाँटेर आफूसँग रात बिताएको दाबी गरेकी छिन् । यस्तै अर्की २२ वषर्ीया इजरायली मोडल स्लिल सेलाले जुन २००९ मा फर्डिनान्डले आफूसँग रात बिताएको दाबी गरेकी छिन् । ३२ वषर्ीया इन्टेरियल डिजाइनर कार्ली स्टोरेले त फर्डिनान्डको धोखेबाजीविरुद्ध अदालतमा मुद्दा नै दायर गरेकी छिन् ।