काठमान्डौ माघ १३ गते ।राष्ट्रिय प्रजातन्त्र पार्टी नेपालका अध्यक्ष कमल थापाले वर्तमान सरकार कुशासन र भ्रष्टाचारको दलदलमा फसेको आरोप लगाउनु भएको छ । पार्टीको अञ्चल सम्मेलनका सिलसिलामा मध्यपश्चिम आउनुभएका थापाले आज नेपालगञ्जमा भएको पत्रकार सम्मेलनमा इतिहासमै सबैभन्दा भ्रष्ट अहिलेको सरकार रहेको आरोप लगाउनुभयो । उहाँले अहिले राजनीतिक सीण्डीकेट लागू गरेर शीर्ष तीन पार्टीले ब्रह्मलुट गरिरहेको दाबी गर्नुभयो । जेठ १४ मा संविधान बन्न सक्ने सम्भावना नरहेको बताउँदै उहाँले आपसी भागबण्डा गरेर बनाइएको संविधान स्थायी नहुने दाबी गर्नुभयो ।