काठमाडौं, पुष २९,

बलिउडमा धमाका मच्चाएर नेपाल फर्किएकी अभिनेत्री मनिषा कोइराला अब निर्देशक बन्ने भएकी छन् । भारतबाट नेपाल फर्किए पछि बिवाह बन्धनमा बाँधिएपछि नेपाली चलचित्र ‘धर्मा’मा अभिनय गरेपछि उनी निर्देशक बन्ने भएकी हुन् ।

यो बर्ष भित्र मनिषाले निर्देशन गरेको चलचित्र ‘पृथ्वीनारायण शाह’ सिनेमा बजारमा आउँदैछ । मनिषा र उनका सहयोगी मिलेर पृथ्वीनारायणबारे लेखेको स्क्रिप्ट सकिएको छ । पृथ्वीनारायणको भूमिका नायक राजेश हमाल उत्रिने निश्चित भएको छ । तर अरु कलाकारका बारे टुङ्गो नलाएको मनिषाले बताइन् ।

यसअघि मनिषाले श्रीलंका सरकारको निर्माणमा गौतम बुद्धबारे सिनेमा निर्देशन गर्ने हल्ला समेत चलेको थियो । यसबारे प्राविधिक सल्लाह लिन मनिषा अहिले भारत पुगेकी छन् । स्रोत उज्यालो नेटवर्क