एजेन्सि, माघ ८,

नाईजेरियाका दोश्रो ठूलो शहर कानोमा गत शुक्रवार भएको सिलसिलाबद्ध बम विस्फोटमा मारिनेको सख्या करिव १५० पुगेको छ । अस्पताल घाईते ब्यक्ति तथा शव गृह मृतकको कारण भरिएको छ ।

अस्पतालमा घाईते हुनहरुको आउनक्रम बढिरहेको जनाइएको छ । श्रृखलावद्ध बम विस्फोट पछि शहरमा २४ घन्टे कफर्यू जारी गरिएको विविसिले जनाएको छ । उत्तरी नाईजेरियाको मुस्लिम बाहुल्यता रहेको सो क्षेत्रमा भएको घटनाको ईस्लामी विद्रोही सङ्गठन बोको हरामले जिम्मा लिएको छ ।

इस्लामाबाद, पुस २६,

पाकिस्तानको पञ्जाब प्रान्तमा मंगलवार भएको एक सडक दुर्घटनामा परि सत्तारूढ पाकिस्तान पीपुल्स पार्टीका सांसद अजीज अहमद खान दौलताना तथा उनका अंगरक्षक सुरक्षाकर्मीको मृत्यु भएको छ ।

प्रहरीले जनाए अनुसार ३३ बर्षीय दौलताना आफ्नो गृहनगर लुद्दान जाँदै गर्दा उनी चढेको गाडी सड्क किनारामा रहेको रूखमा ठोक्किएर दुर्घटनामा परेको थियो । उहाँका अंगरक्षक सुरक्षाकर्मीको भने घटनास्थलमा नै मृत्यु भएको थियो । गम्भिर घाइते भएका उहाँलाई अस्पताल पुर्याईएको थियो ।

त्यही उनको पनि निधन भएको हो । पीएमएल-एनका वरिष्ठ नेता तहमीना दौलतानाका भतीजा यी सांसद रक्षा सम्बन्धि मामलाको संघीय संसदीय सचिव समेत रहेका थिए । ग्लोबल नेपाल न्यूज

एजेन्सी, पुस २४,

सीरियाको छुट्टा छुट्टै स्थानमा भएको हिंसात्मक प्रदर्शनमा कम्तीमा २७ जनाको मृत्यु भएको छ । स्थानिय समन्वय समितिका अनुसार होम्स र इदलीब शहरमा मात्र २१ जनाको मृत्यु भएको छ ।

यतिबेला अरब लीगका पर्यवेक्षक क्षेत्रीय शान्ति योजनाको समिक्षाका लागि सीरियामै भएपनि हिंसात्मक घटनामा भने कमि नआएको अन्तराष्ट्रिय सञ्चार माध्यमले जनाएका छन् । यस अघि शुक्रबार भएको प्रदर्शनमा पनि कम्तीमा २६ जनाको ज्यान गएको थियो ।

यसैबिच, भारतले आफ्ना नागरिकहरुलाई सीरियामा भएको असहज परिस्थीतिका कारण उक्त देशमा नजान अनुरोध गरेको छ । सीरियामा भएका आत्मघाती हमलामा २६ व्यक्तिको मृत्यु भएपछि भारतको विदेशमन्त्रालयले यस्तो अनुरोध गरेको हो ।

पुष ३,

फिलिपिन्समा विनाशकारी बाढीका कारण ज्यान गुमाउनेको संख्या ४०० सय ३० पुगेको छ । सामुद्रिक आँधीका कारण आएको बाढीले दक्षिणी क्षेत्रमा धेरै असर पुर्‍याएको बीबीसीले जनाएको छ ।

ज्यान गुमाउने मध्ये सय जना मिन्डानाओ प्रान्तका छन् । अझै धेरै मानिस हराइरहेका र हजारौँ मानिस विस्थापित भएकाले ज्यान गुमाउनेको संख्या बढ्ने अधिकारीहरुले जनाएका छन् । आँधीका कारण फिलिपिन्समा भारी वर्षा हुँदा सबैजसो नदीहरुमा जलसतह निकै उच्च भएको छ ।

सरकारले उद्धारका लागि १० हजार सुरक्षाकर्मी तैनाथ गरेको छ ।

एजेन्सी, मंसिर २८,

चीनमा भएको स्कुल बस दुर्घटनामा १५ जना विद्यार्थीको ज्यान गएको छ । चीनको जिंग्सु प्रान्तमा स्थानीय प्राथमिक विद्यालयका विद्यार्थीहरुलाई बोकेर घरतर्फ लगिरहेको बस सडकबाट पल्टिएर दहमा खस्दा दुर्घटना भएको बीबीसीले जनाएको छ ।

केही विद्यार्थीहरुको डुबेर तथा केही विद्यार्थीहरुको निसास्सिएर ज्यान गएको अधिकारीहरुले बताएका छन् । एक महिना अघि मात्र गान्सु भएको मिनिबस दुर्घटनामा १९ जना स्कुले बालबालिकाको ज्यान गएको थियो ।

सरकारले विद्यार्थी बोकेका बस दुर्घटना हुने क्रम रोक्न कडा नियम लागु गरेको भोलिपल्टै पछिल्लो दुर्घटना भएको हो ।